Бүген «Эврика» шәһәр мәдәният үзәгендә «Ак калфак» Бөтендөнья татар хатын-кызларының иҗтимагый оешмасы белән берлектә «Ак калфаклы татар кызы» Республикакүләм бәйгесенең шәһәр этабы уздырылды. Бәйгедә Яр Чаллы шәһәре урта мәктәпләренең 9-11 сыйныф кызлары катнашты. Бәйге шартлары буенча кызлар төрле сынаулар үттеләр. Һәр сынауның нәтиҗәсен жюри әгъзалары баллар белән билгеләп барды. Бәйге барышында кызларның осталыгы, акылы, зиһене, фикерләү мөмкинчелекләре ачылды. Гүзәл кызларыбыз үзләренең чын татар кызлары булуларын расладылар. Бәйгедә һәрбер кызга дипломнар һәм истәлекле бүләкләр тапшырылды.
Җинүче итеп М.Вахитов исемендәге 2 гимназиясенең 10нчы сыйныф укучысы Ишалина Айсылу, 4 нче урта гомуми белем бирү мәктәбенең 10 А сыйныф укучысы Вильданова Мәръям һәм Гали Акыш исемендәге 84 нче лицей-интернатының 10 сыйныф укучысы Фардеева Розалина танылды. Нәкъ менә алар безнең шәһәр данын әлеге бәйге кысаларында Казан каласында яклаячак
Бүгенге бәйгебезне үткәрүдә ярдәм күрсәткән иганәчеләребез:
— Татарстан республикасының халык артисты, шәһәр советы депутаты, «Моңлы Чаллы» җыр театры җитәкчесе Виталий Васильевич Агапов;
-«Рәхмәт» кибете Алсу Шәрифҗан кызы Рахматуллина;
-«Асия» мөселман хатын-кызлар киеме кибете.
Аларга без зурдан зур рәхмәтләребезне белдерәбез.